Velkomen til mitt digitale arkiv over kart og vegval!

Her finnast både kart, løyper og vegval frå orienteringsløp eg har vore med i dei siste åra (samt nokre godbitar frå tidlegare år). Det står att å sjå om det med tida blir supplert med eldre løp, evt. om eg flyttar heile greia til annan plattform el.l., men i alle fall førebels er det her :-)

Eg fekk spørsmål av ein kar eg var på tur med i mars 2025, og som ville lage ein statistikk over turfølget, om kor mange løp eg har løpt, og eg svarte: "Anar ikkje", men stipulerte talet til ein stad mellom 1.500 og 2.000. Når eg ser at det her pr. no ligg godt over 300 kart, trur eg at denne stipuleringa i alle fall ikkje er for lav.