Velkommen til mitt digitale arkiv over kart og veivalg!

Guffent ver, men eg kom greitt gjennom, til og med til betre plassering enn dagen før :-)

start – 1.: OK

1. – 2.: Eit strekk der eg gjer det dårleg. Først kjem eg for langt til venstre (planen er litt venstre, men ikkje så mykje), og så rotar eg det til inn mot posten, når eg ikkje ser postskjermen, sjølv om eg er på riktig stad. Eg lurar både meg sjølv og Hansen ut på ein sving, før eg returnerar tilbake, og då ser postskjermen. 2 minutt går i søpla her.

2. – 4.: OK

4. – 5.: Eg meiner eg veljer rett vegval, men tek til høgre litt for tidleg inn mot posten, og må runde tett vegetasjon. Her går det nok eit halvt minutt.

5. – 6.: Er veldig i tvil om eg skal velje venstre eller høgre, men går for høgre, og angrar etter 60 meter i sterk motvind på kyststien som viser seg å ha laus sand som underlag... Venstre må vere kjappare, og det går nok minst minuttet ekstra her. Rundt neset går heldigvis vinden over frå motvind til sidevind, og stien blir etter kvart noko fastare. Det er mogleg det var betre å løpe nede på stranda enn oppe på kanten, men strekktidene er ikkje klokkeklåre på dette.

6. – mål: OK, og godt nøgd når eg ser at eg har slått dei eg hadde tenkt å slå, samt eit par til :-)

Slik året har vore, kan eg ikkje anna enn å vere strålande nøgd med plassering i beste halvpart, om enn med tidstap på meir enn 3 min. totalt.

start – 1.: OK

1. – 2.: Bør løpe meir rett tilbake til vegen eg kom frå

2. – 3.: Grusomt tung lyng inn mot posten

3. – 4.: Fortsatt tung lyng ut av posten, og eg bør nok dra ned i «stupsprekka» til høgre for streken, kjempe meg over våtmyra, og følge sti inn mot posten. Her går det nok eit halvminutt ekstra.

4. – 5.: Er på veg inn i posten, då eg føler at eg er for lavt, og snur opp att og rundar skrenten på oppsida. Eg burde ha fortsatt rundt på nedsida, her går det i nærleiken av eit halvminutt.

5. – 6.: OK, men tungt terreng inn mot posten, og eg bestemmer meg for at eg ikkje vil ut att den vegen.

6. – 7.: «Myra» ut frå 6. er inga myr, men ein innsjø, men eg kjempar meg over…

7. – 8.: Eg meiner eg veljer rett ut frå kartet, men dalen ned mot posten viser seg å vere ufarbar pga nedfall, og eg må klatre opp att, og likevel ta posten frå oppsida. Her går det eitt minutt.

8. – 11.: OK

11. – 12.: Venstrevalet mitt følast greitt, men strekktidene indikerar at rett på er halvminuttet kjappare.

12. – 13.: Eg går meg fast i grums og grams i den siste dalkryssinga, og beste vegval/dalkryssing er nok eit par knepp lengre til venstre. Strekktidene indikerar at det går minuttet her.

13. – mål: OK

Planen var å ta det med ro, utan å bomme.

start – 1.: Allereie her raknar planen, då «alt» (målestokk 1:3.000!) kjem alt for fort mot meg. Eg er kome for langt allereie før eg tittar på kartet… 1 min bom

1. – 2.: Nytt strekk der alt kjem for fort mot meg. ½ min tidstap, og eg bestemmer meg for å skjerpe meg, og hugse at eg skulle ta det med ro, at eg er på øya for å kose meg og løpe skogsløp, og ikkje for å løpe fort i oppvarmingssprinten…

2. – 7.: OK

7. – 8.: Når eg heiter som eg gjer, tek eg sjølvsagt høgre via Strandvejen

8. – 11.: OK

11. – 12.: Reknar med at det er tråkk vidare rett fram etter kryssing av Strandvejen, og det er det…

12. – 14.: OK

14. – 15.: Kartet imponerte ikkje inn mot og rundt 14., og heller enn å leite etter det som kan vere ein særs utydeleg sti, «kuttar» eg når eg meiner å ha kome langt nok, og her er den «avstandsfølelsen» som mangla totalt i starten i alle fall til stades :-)

15. – mål: OK

Spesielt løp, med både trasear gjennom og postar i område som normalt ville ha vore teikna som hagegrønt.

Sjølv om ikkje alt fungerar slik det skal, fungerar i alle fall hovudet godt nok til å finne fram, og resten av kroppen godt nok til å kome seg skapeleg rundt ei kort B-løype.

Sleit med å lese tala i postbeskrivelsen, men elles er det jo inga ulempe å vere i eit terreng eg kjenner godt frå før.

Ut frå 8. ramlar eg ned i eit hol, og blir litt for venstreorientert etter å ha kome meg opp frå holet. Elles ingen store tidstap, ut over det som er ein konsekvens av form og generelt tempo.

Med daud brikke (kun første post var registrert...) blei det ingen klasseseier, men greitt å få seg ein luftetur i "Reste-Fjellgeita", når det ikkje gjekk opp ift "den ekte" varen søndag 1. oktober.

Har løpt i terrenget nokre gongar før, og møtte ingen store utfordringar undervegs. Høgresvingen til 1. var heilt bevisst, for å få sikker inngang.

Tidsbruk ca. 40 min.

Løper normalt ikkje lokale sprintcupløp, som jo oftast går på asfalt, men i kveld var det reklamert med 80% mjukt underlag :-)

Med jaktstart, der eg uansett val av klasse ville starte 10 min. bak, valde eg klassa med tidlegast start (H19-), men burde likevel ha løpt med lykt for å lese kartet skikkeleg, men eg trur ikkje eg kryssa noko ulovleg.

Tempoet var tilpassa rådande form, ingen bommar, og ingen vesentlege vegvalsfeil.

Ikkje klokkeklårt om dagens økt var trening eller konkurranse, men eg hadde i alle fall ei fin økt i lettløpt Samnangerterreng, i hovudsak mellom 400 og 500 moh :-)

start - 2.: OK

2. - 3.: Klarar ikkje å la vere å tenkje på veg bortover her, at dette er perfekt terreng (og kart) til å trene høgdekurvelesing i, hadde kartet vore nyare, hadde nokon sikkert lagt på både gule og grøne raster, i forsøk på å kamuflere det brune, som slike som meg tenkjer er og blir det viktigaste på eit kart i slikt terreng :-)

3. - 4.: OK

4. - 5.: Vurderar å runde skrentrekka til høgre, og det er moglegvis raskare enn det eg no veljer, men eg ønskjer ikkje å møte ho som starta bak meg...

5. - 6.: Meir grumsete enn venta ned her, og kanskje betre med høgre på sti?

6. - 7.: OK

7. - 8.: Vurderar både venstre og svakt høgre (med litt klatring i starten), og trur i ettertid at eg veljer feil.
På første del av strekket brukar eg for mykje tid på å finne ein attgrodd sti, det viser seg etter å ha funne og testa stien kjappare å løpe parallelt med og til venstre for "stien".
På siste del av strekket blir det alt for mykje på tvers, det er nok betre å ta litt klatring med det same, og deretter løpe til høgre for streken, med inngang til posten frå NNV.

8. - mål: OK

Kropp fortsatt i ustand, og rusla meg ein regnverstur gjennom B-open i Langeskogen i dag, heldigvis utan å bli klassevinnar :-)

start - 2.: OK

2. - 3.: Tek for tidleg opp til høgre.

3. - 4.: Veldig forsiktig nedover her.

4. - 5.: OK

5. - 6.: Løper faktisk nokre steg nedover vegen her, og inn mot posten treff eg ivrige nybegynnarar som vil vise meg kvar posten er :-)

6. - 7.: Her drep løypetrykken mykje god info...

7. - mål: OK

Med kropp i ustand blei det ein roleg rusletur i mellomløypa sør for Måvotsvatnet i dag.

Var klar nok i hovudet til å gå rimeleg klokkereint gjennom.

Til dei som ikkje forstår dei første postane, så er det "Bjarne"-gafling, som startar med 4 postar som takast i valfri rekkefølge, deretter fortsetjer det som vanleg løype f.o.m. post 5.

Greitt gjennomført frå 1. og inn, opningsstrekket er det verre med...

start - 1.: Planen er å treffe litt til høgre for posten, og så ta denne via stien, men då eg kjem fram til kanten, får eg inkje til å stemme ift det eg ser rundt meg, og eg trur plutseleg at eg er til venstre for posten. Etter litt fram og tilbake, er konklusjonen at eg er til høgre, og då finn eg posten greitt iht opprinneleg plan. Her går det nok i overkant av 2 minutt.

1. - 2.: OK

2. - 3.: Siktar mot feil høgdepunkt, men tek meg greitt inn.

3. - 4.: Finn ein grei trasé bortover lia, og forenklar posten ved å ta denne langs bekken. Blir litt forvirra når det ikkje er post på den første skrenten eg ser, men fortsetjer nordover, og finn posten på ein skrent som er vesentleg mindre enn den eg såg først. Kjem i lag med Tor Sørevik her, som kjem til posten ovanfrå.

4. - 8.: OK, og løper saman med Tor og etter kvart Svein Linga her.

8. - 9.: Ut frå traktorvegen prøver eg å rykke frå Tor og Svein, og ned mot 9. er eg nokre meter foran.

9. - 10.: Tor løper forbi meg att på traktorvegen, medan Svein er lei av å løpe i tog, og tek høgreinngang mot posten, noko som ikkje var lurt. 150 meter før posten skiljer eg og Tor lag, og då er eg åleine opp mot det ikkje akkurat opne området ved posten.

10. - 11.: OK, og både Tor og Svein er ute av syne

11. - 12.: Eg veljer inngang over myra, som viser seg å vere svært våt. Truleg er inngang frå høgre (over stupet) betre.

12. - mål: OK.

Jungel-O i lite brukt terreng, og det går an å forstå kvifor...

Kartutsnittet var diverre i minste laget (det skulle gjerne ha vore med litt meir i nord), og løypetrykken drep i overkant mykje info.

Ingen strekktider å samnalikne med for H50-, men prøver likevel å analysere:

start - 1.: OK, samstundes som eg registrerar at terrenget i alle fall ikkje er meir lettløpt enn kva eg hadde rekna med.

1. - 2.: Eg ser ikkje venstrevegvalet i kartkanten, og rundar stort på veg til høgre. Det kan umogleg vere korrekt val, sjølv om det rapporterast om rufs på vegvalet til venstre.

2. - 3.: Eg trur eg veljer rett vegval, men er uheldig då eg "kuttar" før huset på første del av strekket. Først havnar eg i eit "juv" som ikkje framkjem av kartet, og når eg så klatrar opp av juvet, kjem eg rett opp i ein haug med ferskt hagesøppel og det som verre er...
Rundt post 3 dukkar det overraskande opp silketerreng, noko som gir meg trua på at dette er terreng der lys grønt betyr silke, noko som litt seinare viste seg å vere totalt feil...

3. - 4.: Kjempetungt terreng frå vegen og opp til posten, som viser seg å liggje bak ein diger bergklump med masse grums rundt...

4. - 5.: Veljer svakt venstre langs myr, sjølv om eg forventar at myrene skal vere tunge og våte, og det var dei... Kva den tynne svarte streken ved posten er, veit eg ikkje, og postbeskrivelsen er heller ikkje veldig klar. Eg gjettar at det er meint sadel? Overraskande nok møter eg Bjørn Hølleland, som hadde passert meg til 4., på posten.

5. - 6.: OK, men ikkje heilt lett å forstå kvar posten eigentleg skal vere. Inn mot posten høyrer eg eit hyl, og der står nok ein gong Bjørn Hølleland, denne gong med foten i klemme mellom 2 steinar...

6. - 7.: Planen er først å halde høgde ut mot stien, men terrenget ser håplaust ut, og då klatrar eg i staden kortaste veg opp til stien. Inn mot posten er strategien å ta denne gjennom det lysegrøne vest for gjerdet, men her viser lysegrønt seg å bety jungel, der eg rett og slett blir ståande fast.

7. - 8.: Strategien her er klinkande klar; kortaste veg ut til sti, og kortaste veg inn frå sti.

8. - 9.: OK

9. - 10.: Mange ulike variantar å velje mellom her, men eg trur dei er om lag likeverdige?

10. - mål: OK, og godt nøgd med å kome uskadd i mål :-)

Veldig godt nøgd med at kroppen no synast å tåle også løyper der løpstida bikkar over timen :-)

Som vanleg i Hordnesmarka handlar det om strekk der alternativa er anten tråkling rett på eller omgåande på veg, og eg trur ikkje at eg gjer nokre grove vegvalsfeil. Det eg slit mest med o-teknisk, er å forstå kva av dei svarte strekane som er stiar og kva som er skrentar, og t.d. ved post 2 er eg enno ikkje sikker på kva som er kva, men eg trur det er 2 skrentar i ringen, og at resten av dei svarte strekane er stistrek...

start - 1.: Finn ingen god trasé ut frå start, men det eg ender med er heller inga katastrofe. Rundt posten veit eg at terrenget er veldig detaljert, og eg er veldig bevisst på at eg skal inn via myra NNA for ringen.

1. - 2.: Eg trur traséen eg veljer er OK, men eg skjønner ikkje kartet inne i ringen. Eg trur eg ser ein skrent, del av eit stup, og 2 stiar, og forstår ikkje at posten ligg på det som eg les som siste strek på den nordre stien... Eg får dermed ein ekstra sving vest for posten.

2. - 3.: Usikker på om rett på er optimalt, men det er heller inga katastrofe.

3. - 8.: OK

8. - 9.: Eg høyrde fleire som hevda at om lag rett på var best, men strekktidene indikerar at stor høgre på veg var eit godt val, sjølv om inngangen blir tung. I tillegg får eg med dette vegvalet lese resten av løypa.

9. - 10.: Eg har på veg til 9. sett nærare på 4 vegval her, og bestemt meg for stor høgresving på veg, men når eg inn mot 9. møter Rannveig Nordhagen, som tydeleg har bestemt seg for det same, skiftar eg til eitt av dei andre vegvala eg har sett på, nemleg "sikksakk" over haugen, men til høgre for toppen av denne. Diverre er eg ikkje godt nok konsentrert når eg kjem opp, og eg treff ikkje den stien eg har tenkt å ta (om lag langs teljekurva på høgresida av haugen), og eg brukar mykje tid på å forsere grøntgrums oppe på haugen. Eg meiner vegvalet eg veljer er OK, og så er det altså verre med gjennomføringa, men eg har likevel betre strekktid enn Rannveig :-)
Beste vegval er kanskje stor venstre, men eg vil ikkje sjanse på dette, med uvisse både om korleis løpbarheita er i det lys gule, og om kva som finnast av gjerdepasseringar, seinast i går sto eg fast i eit piggtrådgjerde som var teikna som passerbart... Det at det er teikna nordpil oppå Skeievegen gir heller ikkje inntrykk av at dette er eit vegval løypeleggaren likar.

10. - mål: OK

Tok det piano ut frå start, med mål om å unngå bom i det relativt fuktige terrenget. Største tidstap er på eit horribelt vegval, elles slit eg litt med at løypetrykken drep i overkant mykje kartinformasjon.

start - 1.: OK, men eg slit ved gjerdepasseringa, der eg må over 2 piggtrådar, og mislukkast på første forsøk...

1. - 2.: Veljer feil inn mot posten, og kjem inn i bratt og lite farbart terreng. Står fast og tapar over halvminuttet i forhold til om eg hadde venta litt med å gå opp frå høgda som myra ligg på.

2. - 3.: Tung i steget oppover her, men traséen tenkjer eg er grei.

3. - 4.: Tenkjer rett på, men går meg tidleg fast i våt brake, og veljer i staden rundt til høgre på "sti", eller kva vi no skal kalle det. Usikker inn mot posten, og det går nok halvminuttet her i brake og nøling.

4. - 5.: Venstre via myra er kanskje noko kjappare?

5. - 6.: Veljer høgre, men finn plutseleg ut at eg skal ta venstre i staden. Angrar då eg kjem til myra litt over midtvegs, som er våt, i tillegg er vegvalet for langt... Eg vil tru at godt gjennomført høgre er 2 minutt kjappare...

6. - 7.: OK, sjølv om eg forstår lite av kartet ved hjørnet av det tomtegrøne.

7. - mål: OK

Sjølv om siste del av løypa går i terreng som er alt anna enn min type favoritterreng, er eg godt nøgd både med gjennomføringa, og med medaljeplass, sjølv om det siste er med svært god hjelp av eit par kjappingar som ikkje sjekkar kodar...

start - 1.: Ser ikkje posten med det same, og er 10 meter forbi då eg snur meg og ser han til venstre for og bak meg.

1. - 2.: Det er kanskje litt betre løpbart litt lengre til venstre, men stor skilnad er det ikkje snakk om.

2. - 8.: Trur eg ligg der eg skal på alle strekka, der eg taper mest tid, er der botnen er grumsete, men vanskeleg å styre meir unna enn kva eg gjer.

8. - 9.: Det er mogleg det kjappaste er å dra rett ned på vegen, men eg tenkjer at viss det er det beste vegvalet, er løypa dårleg, og prøver å halde sånn nokon lunde høgde bortover, til det blir så mykje steinbotn at eg gir opp å halde høgde, og slepp meg ned til gjerdet. Eg er treig bratt utfor, og trur ikkje at eg tapar tid på det valet eg gjer, framfor å runde til venstre.

9. - 10.: Posten er rimeleg diffus (ein udefinert stad i ei stor myr), og eg kjem litt for langt til høgre.

10. - mål: OK

Godt nøgd med meg sjølv her :-)

start - 4.: Eg føler at det går treigt, men har stålkontroll på kvar eg er.

4. - 5.: Sklir litt ut her, men tidstapet er neppe over 20 sek.

5. - 6.: Går rett i på eit strekk der mange sklir ut til venstre.

6. - 7.: Vurderar både venstre, rett på og høgre, og trur eg veljer rett.

7. - 8.: OK

8. - 9.: Utgangen blir litt lavare enn tenkt, og eg brukar litt for lang tid bort til vegen, men ikkje noko stort tidstap å snakke om.

9. - mål: OK, sjølv om eg trakker gjennom myra nokre gonger, og må "dra" meg opp att.

Ikkje noko perfekt løp, men godt nøgd med å kome meg i mål under timen :-)

start - 1.: OK

1. - 2.: Vegvalet er horribelt dårleg, det er vesentleg betre med venstre langs sti. Opprinneleg tanke er å runde til høgre, men eg ombestemmer meg undervegs, og går meg så totalt fast i eit brakefelt som er langt tettare (og har meir luft under seg) enn kva det ser ut til, der eg tek av frå stien. Når eg inn mot posten møter Kirsti Lysaker, som eg også hadde møtt tidleg på strekket, skjønner eg at her kjem eg til å få høyre det når eg kjem i mål... Kirsti løp der eg burde ha løpt...

2. - 3.: Drar først opp på feil kolle, men skjønner kvar eg er.

3. - 4.: Rundar moglegvis litt for mykje?

4. - 5.: OK

5. - 6.: Trur eg veljer rett vegval, men slit ned mot posten, der eg trur eg er på nasa på streken, men truleg er på ei mindre nase lengre til høgre. Når eg kjem ned til korrekt høgde, og står under noko som liknar på ein skrent, trur eg først eg er til venstre for posten, på ein skrent som ikkje er på kartet, før eg slipp meg ned, og ser ein skrent lengre nord, der posten er.

6. - 7.: Planen er å dra opp på Ytrestien, og følge den inn mot posten, men litt over midtvegs tek eg feil i eit stidele, og kjem lengre til høgre enn tenkt. Når eg skjønner feilen, er eg kome for langt til å snu, og prøver å halde høgde bortover skrålia. Eigentleg ikkje ille, men neppe optimalt, men eg får i alle fall ein fin inngang.

7. - 8.: På veg opp under kraftlinja mistar eg stien fleire gonger.

8. - mål: OK

Følte meg sliten (og langt meir sliten enn i går) då eg kom opp til start, og tenkte at dette kom til å bli veldig tungt, slik det jo har vore i over eitt år når eg har prøvd å løpe løp 2 dagar etter kvarandre.

start - 1.: La meg litt lavt for å redusere mengden av terreng "på tvers". Det blei likevel nok av "på tvers", men eg har kontroll heile vegen på kvar eg er.

1. - 2.: Nydelege myrer å løpe på, eg forkastar venstre, og bestemmer meg for rett på, inkludert kva "skar" eg skal gjennom, og får ei skikkeleg oppmuntring når eg opp første skråli ser Rannveig Nordhagen, som starta minuttet foran, og at det virkar som om eg i dag har høgare tempo og betre trasé enn ho (ho ligg litt til høgre for meg på stort sett heile strekket) :-)
Deilig å løpe i snilt terreng, med følelsen av å ha full kontroll :-)

2. - 3.: Eg stemplar like bak Rannveig, bestemmer meg for rett på i skrå og fine myrer, og når att Rannveig i det ho trakkar på ei sag, som ho tek med seg vidare, for å plassere den på ein mindre farleg stad (ho tok seg til og med ein tur ut for å hente den etter løpet :-) ). Dei som evt. såg oss akkurat då, såg kanskje ein gammal gubbe som livredd løp nedover myrterrenget så fort han berre kunne, fulgt av ei ilter dame med høgt heva sag...
Vidare blir det nok eit langstrekk der eg føler at alt stemmer, og til og med motbakken under kraftlinja går greitt :-)

3. - 4.: Eg har kanskje brukt litt for mykje krefter på langstrekka, og opp her følast det tungt, men no handlar det eigentleg mest om å kome seg gjennom utan å gjere noko dumt.

4. - 5.: Finn ingen god trasé ned den første lia, og optimal inngang er nok til venstre for skrenten, men når dette er dagens største tidstap, skal eg ikkje klage :-)

5. - 6.: Gir på det eg kan nedover myra, bevisst på at eg ikkje skal løpe for langt før eg kryssar over ryggen.

6. - 7.: Vurderar at rett på gir like mykje klatring opp til posten som svakt høgre, og veljer då svakt høgre, noko eg trur er greitt nok, sjølv om beina er grusomt tunge der det midtvegs på strekket går svakt oppover, og eg oppdagar at myra er litt mindre snill enn dei eg har løpt i lengre oppe.

7. - 8.: Løper over myra med Lise Christensen som hare, men der ho tek inngang frå venstre, drar eg rett over og stemplar likt.

8. - 9.: Gamle og varsame bein blir fråløpt av fleire ungdomar ned gjennom det grøne her. Greitt nok det, så lenge dei ikkje løper meg over ende :-)

9. - mål: Ikkje motvind som i går, og eg brukar ryggen til Lise som inspirasjon for å halde farta oppe, og kjem i mål strålande nøgd.
Endeleg virkar det som om kroppen tåler 2 løp på 2 dagar att, om enn denne gong med for meg perfekt terreng (godt løpbare myrer) :-) Tida får vise om verda ser annleis ut når eg er tilbake i terreng med Bergensbotn, men dagen var uansett ein skikkeleg opptur :-)

Ingen fullklaff, men heller ingen katastrofer, totalt 5-6 min. tidstap, med litt ulike årsaker:

start - 1.: Eg legg meg for høgt, og legg vekk om lag eit halvt minutt.

1. - 2.: Litt usikker inn mot posten, men ikkje noko stort tidstap.

2. - 3.: OK

3. - 4.: Har veldig god kontroll, og når eg passerar den siste kanten før posten, og ser ein post nedanfor meg, lar eg denne vere i fred, og løper vidare til det eg meiner er korrekt myr, men ingen post der. Returnerar då til den posten eg har sett, og som har rett kode. Denne posten ligg nok feil.

4. - 5.: Finn ingen god trasé ned lia, men kjem ned til eit høgdepunkt og ein skrent som passar, men ingen post der. Leitar litt til venstre, før eg snur tilbake til der eg kom ned, og ser då nok eit høgdepunkt, med post på, framom meg. Her er ikkje kartet 100%, og det burde neppe ha vore ein høgdepunktpost her.

5. - 7.: OK

7. - 8.: Har god kontroll på kvar eg er, men les dei brune flekkane eg skal til som ei grøft, og finn inga grøft når eg kjem opp til posten. Les så postbeskrivelsen, og finn ut at eg skal vere mellom 2 kollar, noko eg faktisk er, men ingen post der. Eg tek ei lita runde sørover, før eg vender tilbake dit eg var, og ser posten mellom 2 andre kollar enn dei eg først sto mellom. Med fleire kollar/høgdepunkt i terrenget enn på kartet, burde det nok ikkje ha vore ein kollepost her.

8. - 9.: OK

9. - 10.: Eg prøvde å vere lur og runde heller enn å gå over kollen, men fekk ingen god inngang.

10. - 12.: OK

12. - 13.: Upresis med kompasset her, og får ein minuttbom.

13. - mål: OK

Etter ein sjuk vårsesong, og manglande sommarsesong (første gong på meir enn 40 år eg ikkje har løpt eit einaste sommarløp), er målet ein nokon lunde normal haustsesong, og så får vekene som kjem vise om dette går eller ikkje…

Årets første bedrifts-A-løype i dag, og eg hadde lukta lunta om kva som faktisk venta, i eit løp som delvis var forsøkt marknadsført som sprintløp. Sprintløp var det definitivt ikkje, og så var det ein del ekstra utfordringar i form av ukurant forhold mellom målestokk og ekvidistanse. Terrenget er vesentleg meir kupert (og knudrete…) enn kartet ved første augekast gir inntrykk av…

Eg kom heil og uskadd i mål, med ein kropp som fortsatt kjennast OK, og sjølv om tida er råtten, er eg eigentleg godt nøgd med å ha kome så pass greitt gjennom, når utgangspunktet var som det var…

start – 1.: Begge dei som startar før meg veljer rett på, og då tenkjer eg at eg skal prøve meg på venstre, som viser seg å vere eit vesentleg dårlegare vegval enn det kan sjå ut som, det er veldig tungt terreng etter fotballbana og inn til posten, herunder eit glatt svaberg…

1. – 2.: Løper meg fast i jungel ut frå posten, og må klatre opp eitt nivå for å finne snillare terreng/vegetasjon.

2. – 3.: Greitt nok, men det går veldig treigt, og eg konkluderar bortover her at vegvala heretter skal vere mest mogleg på veg/sti…

3. – 4.: OK

4. – 5.: Venstre er nok kjappare…

5. – 6.: Eg får meg eit sjokk midtvegs, då eg plutseleg ser ein upasserbar mur foran meg. Etter nokre sekund ser eg at det går ein rampe opp til høgre, som det er mogleg å kome opp via, men her klagde eg til løypeleggaren etterpå. Det eine er at løypetrykken bidrar til å gjere muren (parallell med streken) lite synleg, det andre er at kartet er upresist ift om det faktisk er mogleg å krysse muren eller ikkje. På venstre side og «midt på» oppfattar eg han som definitivt ikkje passerbar, og på høgre side (der eg løper opp), les eg at det eg løper langs, er ein skrent.
Vidare OK, men det er vesentleg brattare ned mot festningen enn det kartet gir inntrykk av. Den store stien er her ei dårleg trapp.

6. – 7.: Løper litt for langt.

7. – 8.: Ved snuplassen blir eg forvirra av eit hus som ikkje står på kartet, men som eg feiloppfattar som det huset som er på kartet, og dermed kjem eg for langt til venstre. Eg er på rett stad ift lengderetninga på huset eg ser, men huset eg ser er ikkje det huset som er på kartet, men eit hus som er nærare snuplassen…

8. – 9.: Veldig bratt ned her, og masse nedfall. Rett og slett skikkeleg grumsete… Etter å ha kjempa meg over myra, treff eg på ein tydeleg sti, som eg utan vidare tankegang følger mot høgre, til eg skjønner at eg har fulgt ein sti som manglar på kartet…

9. – 10.: Planen er eigentleg å liggje til venstre for streken heile vegen, men eg trur det eg ender opp med er heilt OK.

10. – 11.: OK

11. – 12.: Her lar eg Bjørn Hølleland vise veg ut av posten, og opp mot vegen.

12. – mål: OK

Når kroppen no virkar å tåle 2 løp på 24 timar, og dagens største tidstap kjem fordi eg løper for fort, veljer eg å seie meg strålande nøgd med dagens etappe, som eg jo eigentleg også er i eldste laget for...

start - 1.: OK

1. - 2.: Eg ser ikkje noko anna alternativ enn høgre, men ned mot vegen kjem dagens største tidstap, då eg løper rett gjennom "stikrysset" 150 meter før vegen. Då eg skjønner at eg har løpt forbi, er eg så langt forbi at det ikkje har noko poeng å snu. Opp mot posten veljer eg ein trasé nord for der eg kom ned i går, og dagens val følast rett.

2. - 4.: OK

4. - 5.: Eg er veldig bevisst på at eg ikkje skal rote meg inn i same grumset som i går, og veljer stor høgre ut frå posten. Nok ein gong følast dagens val rett, sjølv om det ikkje akkurat gjekk fort langs vegen.

5. - 7.: OK

7. - 8.: Kjem litt skeivt ut, og det blir litt meir på tvers enn naudsynt.

8. - 9.: Får ikkje heilt tak på kartet inn mot posten, og føler at det er urimeleg høgt opp til søkket.

9. - mål: OK

Gjorde mykje rart i dag, men det viktigaste i dag var å finne ut av om kroppen var i stand til å kome seg gjennom årets hittil lengste løype, og pr. no virkar det som om det gjekk bra, om enn løpet var alt anna enn optimalt gjennomført.

start - 1.: Føler eg møter ein "vegg" like etter start, utan heilt å vere samd med korleis denne er teikna på kartet. Trur eg finn ei OK løysing, og oppdagar også at terrenget har mange tråkk som ikkje står på kartet. Hjorteterreng?

1. - 2.: Blir for oppteken av å følge tråkk, heller enn å orientere som om desse ikkje er der. På siste del av strekket er beste trasé lengre til høgre.

2. - 3.: På start fekk eg tilbod om 1:10.000 i staden for 1:7.500, hadde eg tatt mot tilbodet, hadde det kanskje gått betre? Uansett er eg unøyaktig på kursen, og følger ein trasé som eg får til å passe rimeleg godt med der eg tenkte å løpe. Eg kjem til og med til ein post som stemmer sånn nokon lunde, men med feil kode. Føler samstundes at eg er kome for langt, ser meg godt til venstre, og skjønner kva som har skjedd. Somlar vekk 3 minutt her, tenkjer eg...

3. - 4.: OK

4. - 5.: Eg både veljer feil, og gjennomfører dårleg... Sigurd Eikner har fasiten på kvar beste vegval er, men eg gjettar lengre til venstre.

5. - 6.: Etter å ha løpt mykje i lyng så langt, veljer eg bort høgrevegvalet, og bestemmer meg for venstre. Valet trur eg ikkje er så verst, men gjennomføringa på første del av strekket er horribel. I staden for som tenkt å dra via skogsvegen, kjem eg alt for langt til venstre, og skjønner først då eg ser elv nr. 2 kva eg har gjort...

6. - mål: OK

"I dag er det terreng og løype for deg", fekk eg høyre av tidlegstartande på vegen til start, og det blei i alle fall klassesiger med grei margin til nestemann, og så får tida vise om helsa tillet lengre løyper, og dermed A, til hausten.

I dag gjekk det stort sett på skinner, sjølv om eg følte meg veldig sliten på start.

start - 1.: OK

1. - 2.: Er upresis med retninga, og kjem for langt ned. Det går kanskje eit halvminutt her?

2. - 4.: OK

4. - 5.: Vurderar både venstre og høgre, men landar på venstre, og veljer nok rett. Inn mot posten blir eg litt usikker på kor langt eg er kome, og drar tidleg opp "for sikkerheits skuld", men får stadfesta det eg trudde. Inngangen var likevel heilt OK.

5. - 7.: OK

7. - 8.: Forkastar venstre på sti, og trur eg veljer rett?

8. - mål: OK

Var "løpande" skygge for 7-åringen i dag, og etter grundig gjennomgang av løype og vegval før start, lot eg han vere togførar på ei heil løype for første gong, og det gjekk betre enn venta :-)

start - 1.: Fint startstrekk langs sti og veg, der han ser posten nesten frå start :-)

1. - 2.: Guten har stålkontroll langs vegen til 2., og også den er godt synleg på avstand.

2. - 3.: Guten er litt usikker ut frå posten, og sjekkar mot onkel om han er samd i at han skal ut på vegen til venstre. Onkel er samd...

3. - 4.: Som forventa blir det trøbbel inn mot posten, og onkel må gripe inn med litt peiking inn den grasgrodde og utydelege stien sør for "hovudvegen".

4. - 6.: Guten har stålkontroll langs stien :-)

6. - 7.: Det går tungt i varmen oppover her, guten slår fast at han likevel klarar seg med ei runde (opp mot start fastslo han at han i dag ville løpe 2 runder...). Inn mot posten ser vi begge at skjermen har ramla ned, eg spør kva vi skal gjere med det, og han svarar at eg må henge den opp att, slik at også dei andre finn posten :-)

7. - 8.: Stålkontroll vidare langs vegen, og han ser posten før meg.

8. - 9.: Guten forsvinn av garde før onkel er ferdig med å stemple, men blir usikker i første stikryss, der onkel tek han att, og vi tek ein diskusjon om kvar vi eigentleg skal vidare. Vi blir samde om å fortsetje rett fram.

9. - mål: Dagens vanskelegaste utgang, då kartet ikkje akkurat stemmer med korleis det ser ut her no. Medan onkel grublar på korleis han skal forklare dette, spør guten om den svarte streken med taggar viser eit gjerde :-) Kvar det kom frå, veit eg ikkje, eg kan ikkje hugse at eg har kome så langt i symbolopplæringa som til "gjerde", men då er også den på plass :-)

Etter målgang blei det symboldiskusjonar og utveksling av strekktider og vegval med dei store gutta, og så lot onkel seg greitt lure med på ein litan premiehandel etterpå...

Slik formen var då eg vakna, tenkte eg at det ikkje blei løp i dag, men eg kvikna til ut over dagen, og køyrde likevel til Frotveit, og kroppen virka heilt grei på vegen til start.

start - 1.: OK

1. - 2.: Dagens første stortabbe, der eg ikkje les kartet grundig nok, og konkluderar med at eg berre skal liggje på høgda bortover lia. Som tenkt, så gjort, og når eg føler at eg er kome for langt, ser eg ein post foran meg lengre nede. Sjølv om plasseringa virkar "rar", drar eg ned dit, og får ikkje noko stort sjokk når han har feil kode. Eg les meg greitt inn på kvar eg er, og klatrar greitt opp til den høgda eg burde ha vore på. Her går det i overkant av 2 minutt.

2. - 5.: OK

5. - 6.: Eg veit av erfaring at det lysegrøne her normalt er OK å løpe i, og at det er steinete langs bekken til venstre for streken. Då bestemmer eg meg for rett på, og ender opp i nedfall som pressar meg lengre til høgre og opp enn tenkt. Her går det nok halvanna minutt ift å løpe opp langs bekken :-(

6. - 7.: Eg bør krysse over vegen og opp til skiløypa med det same, heller enn å løpe halve strekket på veg.

7. - mål: OK, og så blir det 5 minutt med berre hosting etter målgang, eg var kanskje likevel ein stad eg ikkje burde ha vore i dag...

Plassering midt på treet, og sjølv om eg trekkjer frå 4 minutt, er klasseplasseringa den same. Altså mellomgod i dag, som er godt over slik eg kjenner meg når dette skrivast nokre timar seinare...

Opnar horribelt treigt i dag, men får heldigvis opp farta noko undervegs, utan at det eigentleg er ei veldig stor trøyst at eg er kjappast i klassen frå 4. og inn.

start - 1.: Kartbiletet forsvinn under løypetrykken, og eg kjem på feil sti ut frå vegen :-( Inn mot posten har eg fått det for meg at posten skal vere oppå høgdepunktet, og då går det nokre sekund til...

1. - 2.: Nesten over myra trakkar eg gjennom det eg trur er ei tue, og blir ståande heilt fast i noko som følast som eit halvminutt, men som kanskje ikkje var så lenge...

2. - 3.: Sjølv om vegvalet er langt, trur eg at det er OK, og at det er farta som er problemet.

3. - 4.: Her er nok beste vegval lengre til høgre...

4. - 5.: Tråkling rett på er nok hakket kjappare, men nok ein gong er det farta som er problemet. Det som kanskje totalt sett bergar løpet for meg her, er at eg møter Marit Nipen, som starta minuttet før meg, overraskande tidleg i den spisse vinkelen inn mot posten, og at det kanskje er då eg verkeleg forstår at her må eg skjerpe meg og få opp farta?

5. - 7.: Her har eg i alle fall beste strekktider i klassen, og løper meg opp til den 3.plassen eg også har i mål.

7. - 8.: Kjem fram til (ut frå mangelen på svarte prikkar) at det er lov til å løpe i kanten av jordet midtvegs. Inn mot posten kjem eg litt for langt til høgre.

8. - 9.: Føler at eg veljer rett, sjølv om eg blir fråløpt av Britt Karlsen, men som ut frå strekktidene har beste vegval :-)

9. - mål: OK, sjølv om avstanden fram til Britt blir lengre og lengre...

Ingen store feil i dag, og nok ein gong klassesiger, om enn med litan margin til Håkon Mogstad, som har gjort noko han ikkje burde til 5.

start - 1.: Eg tek av frå stien/vegen litt for tidleg.

1. - 3.: OK

3. - 4.: Eg lar meg dra med av Svein Linga, og ser ikkje utgangen via sti like til høgre for streken, men det var greitt nok der eg og Svein løp, og tidstapet er neppe stort.

4. - 5.: Eg tek av frå vegen ein sti for tidleg, men ikkje noko stort tidstap.

5. - 11.: OK

11. - 12.: Heller enn å løpe rett på, eller stien til venstre, drar eg tilbake til høgre gjennom den fine skogen. noko eg trur er korrekt. Inn mot posten stoppar eg for tidleg, og startar å sjå etter steinen like på utsida av ringen, og her går det nok nærare halvminuttet.

12. - 13.: Eg har gått meg fast før i inngangen rett på, og når Trygve Buanes dundrar forbi meg midtvegs, og tek inn stien til høgre, er eg trygg på at det beste er å dra rett inn frå vegen, og bruke Trygve sin utgang som min inngang. Dette siste sviktar, då eg og Trygve kjem samstundes til posten :-)

13. - mål: OK

Pr. no er korte løyper ekstra greitt, og eg slår dei eg skal slå i Nordhordland i dag :-)

start - 1.: Løper feil ut frå startpost, og blir etter å ha kryssa elva pressa lengre til høgre enn tenkt pga nedfall. Eg veit ikkje korleis det grøne på venstrevegvalet var, men venstre er kanskje hårfint kjappare?

1. - 2.: Gir frå meg litt for mykje høgde inn mot posten.

2. - 4.: OK

4. - 5.: Planen er å runde kollen midtvegs, men eg rundar for mykje til høgre.

5. - 8.: OK

8. - 9.: Eg vurderer venstre på stor sti (med 2 elvekryssingar) som for langt, men det er mogleg dette faktisk var beste vegval?

9. - mål: OK

90 meter stigning til post 2 er vel ikkje det eg akkurat ønskjer meg, men eg får seie meg nøgd både med klasseseier, utan å vinne eit einaste strekk, og nok ein gong med betre løypeplassering enn beste strekkplassering i løypa. Det hjelper ikkje å gjere store feil, når det opplagt er mange som har større fartsressursar.

start - 1.: Med venstre startspor, og andre til høgre for meg som skal rett fram, løper eg bakover frå start, før eg svingar inn i skogen. Oppover er det tungt, men eg har kontroll på kvar eg er.

1. - 2.: Tungt, ja, men ingen o-tekniske utfordringar.

2. - 3.: Godt å få løpt litt :-)

3. - 4.: Eg har veldig litan lyst til å gi frå meg høgda eg har slitt meg opp, men eg synast stor høgre ser både langt og tungt ut, og svelger i meg at det berre er å dra nedover att. Her legg mange att tid på å dra for langt mot venstre (ned mot start), medan eg stolar på at opningane Gunnar Gytri har teikna inn mellom stupa faktisk er der. Også vidare trur eg at eg veljer rett, og sparar tid ift dei som svingar meir via veg og stor sti.

4. - 5.: Eg ser ikkje høgreutgangen (slepet som ligg på teljekurva), men varianten min er nok også grei.

5. - 6.: OK

6. - 7.: Ned mot posten konkluderar eg med at stisystemet kun er eigna til å forvirre, og at det handlar om å forhalde seg til kurvene og bekken. Eg passerar fleire som står i stikryss og prøver å lese seg inn.

7. - 8.: Tanken er meir rett på, men varianten eg ender opp med, når eg ikkje ser kvar eg skal ta av frå stien litt før midtvegs, er truleg heilt OK.

8. - mål: OK, sjølv om eg ikkje likar postdetaljar eg ikkje veit kva er.

Når eg ender opp med betre totalplassering i løypa, enn beste strekktidsplassering, er det eit teikn på at det er mange som har gjort mykje rart. Eg gjer også rare ting, men tydelegvis i mindre omfang enn snittet...

start - 3.: OK, i eit område der det er alt for mange stiar på kartet.

3. - 4.: Eg forkastar stor høgre, og veljer "favorittstien" min opp til Eikelifjellet. Planen er inngang via myra sørvest for posten, men utan at eg i ettertid skjønner kvifor, har eg etter at planen var ferdig lagt, fått det for meg å halde høgde i lia inn mot posten, noko som umogleg kan løne seg, utan at dette siste visast att korkje i strekktid eller strekktidplassering, men det er truleg mange som har gjort mykje rart her, og ingen med fart som har optimal trasé? Det må vere 1-2 minutt raskare med inngang via myrplatået?

4. - 5.: OK

5. - 6.: Eg mistar påtenkt trasé litt før midtvegs, men korrigerar meg greitt inn att, om enn med tap av nokre sekund.

6. - 7.: OK

7. - 8.: Eg startar ut til høgre, men ombestemmer meg, og snur om til venstrevegval via burettslaget i Løvåsen. Vegvalet er truleg OK, og så er det svingen før eg bestemmer meg som øydelegg strekktida?

8. - 9.: OK

9. - 10.: Eg går meg fast i grums her, ein time seinare var det nok tråkk gjennom grumset...

10. - mål: OK

Farta er som den er, og løp 2 dagar på rad er pr. no alt anna enn optimalt for ein skrøpeleg kropp, men eg finn jo fram...

start - 1.: Myra eg veljer inn mot posten er skikkeleg "sugemyr", og inngang lengre til venstre må ha vore betre, sjølv om vegetasjonen her er ekkel...

1. - 2.: Eg trur større venstresving med meir sti er betre enn min variant.

2. - 4.: OK

4. - 5.: Eg ser inkje godt alternativ til høgre på veg via Brushytten, sjølv om slike vegval pr. no er alt anna enn passande for meg. På vegen følte eg at eg blei fråløpt av alt og alle, sjølv om eg plukka inn att nokre meter då eg kom ut i terrenget ved Revurtjern.

5. - 6.: OK

6. - 7.: 3 skrentar i ringen, og eg gjettar på at posten er på den øvste, men tenkjer samstundes at det er dumt å dra tidleg opp om posten ligg på ein av dei 2 andre. Eg drar ikkje tidleg opp, og posten ligg på den øvste...

7. - mål: Løpestrekk, og då er farta pr. no som ho er...

Endeleg tilbake, etter nokre tunge månader.

Det går treigt, men det er eg innstilt på i alle fall nokre månader framover, målsetjinga er no å kome i gang att, og at det faktisk skal vere mogleg å vere med, og så får ambisjonsnivået evt. justerast etter kvart.

start - 1: Det er lengre til posten enn kva eg trur, og eg lar meg fange opp av ein post som eg trur tilhøyrer langløypa.

1. - 6.: OK

6. - 7.: Strekktidene forteljer at det må vere eit betre vegval her.

7. - 8.: Her mistar eg den stien eg har tenkt å følge, og ender i staden på eit tråkk langs flyplassgjerdet, som ender i eit bekkehol. Eg har også dårleg inngang.

8. - mål: OK