klubbmeisterskap Fana IL (09-06-2026)

Klubbmeisterskap Fana IL med poengorientering, i øspøs regn og gjennomvått terreng. Hadde eg ikkje visst på førehand at eg her kunne gå rett frå mål og i varm dusj hadde eg truleg blitt heime...

Eg likar å sjå kva eg trakkar på, men det var i stor grad å gløyme i dag, og tempoet blei då deretter, men greitt nøgd med å mangle kun 4 poeng på topplassering i H60- :-)

Eg sleit med å få oversikt over poengsystemet, men oversåg ingen fleirpoengarar i år.
Eg valde bort 125 med ambisjon om i staden å rekkje ei sløyfe nordover Nedre Fanaløype (107-103-102-105), men skjønte ved tidssjekk på 107 at den svingen var utanfor rekkevidde. Mao burde eg ha vald 125 framom 105, men...
Opp mot mål hadde eg grei kontroll på tida (maks.tid 45 minutt), og eg fekk til og med vaska skoa før eg gjekk i mål :-)

O-teknisk ingen utfordringar, langt meir utfordrande å fote seg i regnet, der alle passasjar gjennom buskas resulterte i null sikt, men eg kom meg uskadd gjennom :-)