pokalkamp 2 Bergen (28-04-2026)

Med veldig kort H65-løype gjekk eg "opp" til H50- i dag, og kom greitt gjennom, om enn etter litt rufs til første...

start - 1.: Er ukonsentrert, lar meg lure av foranstartande løparar, og det blir litt sikksakk. Mistar om lag minuttet :-(

1. - 2.: Slit litt med å sjå stien eg har sett meg ut i motsola, men eg trur vegvalet er korrekt, og betre enn t.d. høgre via veg.

2. - 4.: OK, og eg veit frå tidlegare at steinen på 4. ikkje ser ut som nokon stein ovanfrå...

4. - 5.: Eg er diverre ikkje på forskot, og drar "på automat" nordover ut av 4., før eg ser at beste vegval er høgre, men trur tidstapet er lite.

5. - 6.: Mykje nedfall fram til vegen (truleg betre eit knepp til høgre...), men vegvalet følast eigentleg heilt OK heilt til eg ser at Ragnhild Balsvik, som var bak meg tidlegare, dukkar opp foran meg inn mot posten, via sin "sikksakk"-(først venstre, så høgre)-variant (ho brukte same inngang til 6. som eg brukte som utgang derifrå...). Steinen posten skulle liggje på har eg f.ø. leita etter før, utan funn, og eg såg ikkje steinen no heller, men fann ein postskjerm saman med nokre småstein på korrekt stad.

6. - 7.: Eg er overtydd om at beste vegval er høgre på veg, og det er det...

7. - mål: Sliten og nøgd inn mot mål :-)