pokalkamp 5 Bergen (2026-08-25)

Med løp også i morgon, valde eg B framfor AK i dag, og tenkjer eg at det var eit heilt greitt val. Det var langt og tungt nok...

Teksten under er skrive utan enno å ha sett resultat eller strekktider, og så får tida vise om teksten evt. blir moderert når tider dukkar opp..

start - 1.: Kjem litt for lavt, men skjønner heldigvis at eg skal oppover når eg treff stien.

1. - 3.: Tungt...

3. - 4.: Planen er eigentleg å følge stien, men den er så utydeleg at eg i staden tek ryggen. Eg trur dette valet er heilt greitt.

4. - 5.: Veljer sti rundt til høgre, og er rimeleg trygg på at det valet er korrekt, men er nysgjerrig på strekktidene her, ja...

5. - 6.: Føler at eg har full kontroll inn mot posten, men ingen post på skrenten. Eg tenkjer først at posten er vekke, men tenkjer at eg også kan sjå litt lengre opp i søkket, og der er han. Eg trur posten ligg sør i ringen?

6. - 7.: OK

7. - 8.: Trur eg tek rett vegval, men i lav sol frå venstre slit eg med å sjå skogbotnen nedover, der høgt gras skjuler fleire lumske hol. Det blir fleire tryningar, men heldigvis utan skade, kanskje også fordi eg er veldig varsam med tempoet.

8. - 9.: OK, men ser ingen post der eg ventar å finne denne. Det eg derimot ser, er ein skjerm som er tredd ned på ein stubbe like ved. Eg drar innom denne, utan å sjå noko anna enn ein skjerm, og fortsetjer vestover, men oppdagar så at brikken blinkar. Snur så tilbake til skjermen, og ser at det heng ei stemplingseining i ein tråd under skjermen, og får til og med ei ny stempling, 11-12 sek. etter den første...

9. - mål: Ikkje vanleg med o-tekniske utfordringar til mål, men det var det her. Den mest tydelege stien svingar til venstre akkurat i "ytre ringkant", og der var det mange som forsvann ned. Eg skjønner at dit skal vi ikkje, og ropar til meg Øllaen, som eg ser nede i søkket, og som etterpå forteljer at han berre følgde etter 2 andre... Nysgjerrig på strekktidene her, ja...