kretsløp Tudalen Sykkylven (06.09.2026)

Når eg er 14 sekund frå bestetid i løypa, men utan å vinne eit einaste strekk, har det vore ein del bomming mellom dei andre i løypa...

Eg sleit med å lese kartet, og er generelt ikkje glad i "hyttesnusk", men i dag handla det om å ta det ein fekk. Eg brukte nok meir tid enn normalt på kartlesing i dag, i frykt for at det her skulle straffe seg å forenkle for mykje.

start - 1.: Slit med å lese kartet, samstundes som eg skjønner null og niks av skilnaden mellom "bekk" og "ikkje-bekk", men forstår heldigvis både at eg har kome langt nok og at eg er for langt nede.

1. - 2.: Slit fortsatt med kartlesinga, og har alt anna enn stålkontroll, og konkluderar med at her må kartet lesast tettare enn det eg no for tida normalt gjer.

2. - 4.: OK

4. - 5.: Får ein litan sving på posten, men veit at eg er veldig nær...

5. - 7.: OK

7. - 8.: Eg veit ikkje om det finnast nokon god trasé ned her, men den eg finn er i alle fall ikkje den beste...

8. - 9.: Planen er eigentleg høgre, men når eg har kjempa meg over elva, er eg så langt nede at eg endrar til venstre, og det blir inngang via diffuse tomtegrenser. Inn mot posten ser eg ingen stein, men eg ser heldigvis skjermen litt til høgre for meg.

9. - 10.: Tungt, ja...

10. - 11.: Her har det skjedd ein del i terrenget sidan kartet blei teikna...

11. - 12.: Slike strekk likar eg ikkje, men eg snublar meg fram over henslengt hageavfall og anna...

12. - 13.: Heller enn å dra rett ned på "hovudvegen", gjennom potensielt "hyttegrums", drar eg tilbake der eg kom frå, der eg ut frå fersk erfaring veit kvar dei verste kvistrøysene er...

13. - mål: Ikkje heilt vanleg med vegval til mål, men eg trur eg veljer rett :-)