pokalkamp 6 Bergen (19-08-2025)

Starta i forsøk på løpsfart, men slo etter kvart over i spaserfart, etter å ha vurdert og konkludert at det viktigaste i dag var å kome uskadd i mål, og kanskje i stand til ny start i morgon, i ein sesong der erfaringa så langt er at 2 løp 2 dagar på rad ikkje fungerar.

start - 2.: OK

2. - 3.: Får kjempeproblem med å sjå, når lav ettermiddagssol kjem akkurat inn over åsen, og skapar brillerefleksar som gjer at eg korkje ser kart eller terreng skikkeleg. Bom blir utfallet...

3. - 4.: OK

4. - 5.: Det er mogleg at høgre er best, men eg veljer venstre på til dels svært dårleg sti. Plan A er å klatre opp til høgre når eg ser steinane mellom stien og posten, men desse steinane ser eg ikkje. Revidert plan blir då å fortsetje til litt forbi starten, og så klatre opp, men flausa eg då gjer er å oversjå at starten, som eg jo ser frå stien, ikkje er frå starttrekanten, men lengre nord. Dermed klatrar eg også opp for langt nord, utan umiddelbart å skjønne flausa...

5. - 6.: Går ned frå stien for tidleg, og kjem i inngangen ned på ei lita myr ei etasje for langt ned.

6. - 7.: Ned steinrøysa i Skiveien konkluderar eg med at dagens mål reviderast til å kome uskadd i mål, og eg tek det piano både nedover Skiveien og opp nedre del av Oppstemten.

7. - 12.: Går grei postplukk i fin skog, og tenkjer at mål burde ha vore ved Skiveien her...

12. - mål: Går varsamt gjennom her, utan snev av bom.

Neste gong det arrangerast løp her, ønskjer eg meg mål i Skiveien, og målestokk 1:5.000 eller 1:6.000, for oss godt vaksne.