bedriftsløp VBIK Bergen (2025-08-27)

Eit terreng der eg er lommekjend, utan at dette alltid er ein fordel.

start - 5.: Alt går på skinner :-)

5. - 6.: Inn mot 5. konkluderar eg med at det er på tide å bli kvitt Steinar Barmen, som eg har løpt saman med sidan start. Eg løper difor oppover ut frå posten, og drar med Steinar i den retninga, før eg bråsnur og løper nedover og inn i "finskogen", og Steinar er borte :-)

6. - 7.: Strålande nøgd med at eg klarar å følge tempoet til Dagrun Daltveit oppover her, og strategien vidare mot posten er å treffe til høgre på den gamle stien, og så følge denne (kvit korridor på kartet) nedover til posten. Strategien mislukkast, då posten slett ikkje ligg midt i ringen, men i det grøne noko aust i av ringen... Her går det eitt minutt, heldigvis utan at Steinar dukkar opp att :-)

7. - 11.: OK, sjølv om terrenget er tyngre å løpe i enn for 25 år sidan (eller er det eg som er blitt eldre???).

11. - 12.: Strategien er å kome seg uskadd ned, og deretter styre via kolle og gult felt til høgre for posten. Strategien mislukkast, då posten slett ikkje ligg i kanten av det gule, men godt inne i det grøne. Her går det nok eitt minutt.

12. - mål: OK, og når eg kjem i mål meir enn 2 minutt bak klassevinnar, tenkjer eg at eg med godt samvit kan velje B også neste gong :-)