bedriftsløp VBIK Bergen (2025-08-20)

Overraskande snill løype, og gubben var sikkert også smart då han etter ein tung start tok det med ro ved Montana dagen før.
I Sandviken i dag stemte det meste, og løypa var kort nok til at kroppen var med heile vegen rundt :-)

Årets første klassesiger i H60-B, og så får tida vise om eg blir der ut min siste "ekte" bedriftssesong, eller om eg snur tilbake til H60-A før sesongen er omme. Dagsform og løypelengder blir nok avgjerande for dette.

Dei 5 første postane ligg i "jomfrueleg" terreng, der ingen hugsar at det har vore orienteringsløp i "moderne" tid. Eg veit eg har vore der ein gong før, men det var på hundeluftetur med Abelone for meir enn 15 år sidan.

start - 1.: OK

1. - 2.: OK, sjølv om eg midtvegs er inne på tydeleg sti som er nyare enn kartet.

2. - 3.: OK

3. - 4.: Rundar rundt det grøne.

4. - 6.: Rein transport.

6. - 7.: Plan A er å dra opp ein sti tidlegare, men eg klarar ikkje å sjå kvar på kartet demninga møter vegen opp frå Sandviken, og i staden for å bruke tid på å leite etter stistarten, fortsetjer eg til neste sti, og styrar opp frå denne, noko som i ettertid virkar som eit heilt OK val.

7. - 8.: OK

8. - 9.: Ved målgang kommenterar eg til eit par konkurrentar at eg trur eg runda for mykje her, men strekktidene indikerar at valet mitt var heilt OK.

9. - 10.: Brukar ikkje tid på å finne dårlege stiar, og kjempar meg ut myra til grusvegen. Inn mot posten passerar eg over ei myr som kartteiknar Jørn burde ha endra til farleg... Marit Nipen ligg bak meg, og tenkjer nok at når eg kom levande over, kan ho som lettvektar følge etter...

10. - 11.: OK, sjølv om eg rundar på feil side av eit nedfall inn mot posten.

11. - mål: OK, og opp frå siste får eg spurthjelp frå Øistein Stemme, som eg overraskar meg sjølv til å vere sprek nok til å slå i spurten :-)